Dalla prevenzione alla paralisi. È su questo corto circuito che si accende lo scontro sulla sanità in provincia di Ragusa, dopo la denuncia durissima lanciata dal comitato Articolo 32, che chiede la rimozione immediata dei vertici dell’azienda sanitaria. Al centro del caso, una vicenda che mette in discussione l’efficacia stessa dei programmi di screening. L’ASP […]
A IBLA
10 Mar 2011 15:38
E se scendi giù a Ibla
pruov’ sempre ’n ’emozione,
sient’ ’o core che te vibra
e te nasce… ’a passione.
Basta sulo….. ’nu balcone,
c’ ’a ringhiera arricamata,
e si guard’ ’o mascherone
riest’ comm’ ’mbalsamata:
chelle facce stralunate,
forse vonno fa’ paura,
o se fanno ’na risata
pe’ t’ alluntana’ ’a sventura,
ma si ’e guard’ ’a sotto ’ncopp’,
mentre trase int’ ’o portone,
già sospiett’ che t’accoppa
’o diavolo mammone:
ma è sulo ’na finzione,
comm’ l’ombra fa c’ ’a luna,
pecchè ormai è tradizione
che esse portano fortuna.
Basta sulo ’na passiata,
’nmiezo ’a piazza, cu ’sta gente,
fino a chella scalinata
che, overo,….. è travolgente
e si pruov’ llà… a sagli’,
c’ ’a campana che rintocca,
finalmente puo’ capi’
che robb’ è… l’arte barocca.
È ’nu stile,…. ’n’ eleganza,
’na ricerca ’e perfezione,
comm’ ’a musica o ’na danza
nata …..coll’ ispirazione:
chelle curve fatte apposta,
’a perfetta simmetria,
comm’ fosse ’na risposta,
sotto forma ’e ’na poesia,
pe’ chi aiza l’uocchie ’ncielo,
affidannose all’Eterno,
e accussì se squarcia ’o velo
pe’ parla’ c’ ’o Pateterno.
Comm’ ’o fiore ’ncopp’ ’o stelo,
nun appena vierno ’o lassa,
brama ’o sole e saglie ’ncielo
p’ acchiappa’ ’a luce… che passa;
o comme quann’ ’na criatura
sterenecchia in aria ’e braccia,
pe’ truva’ chi ’a rassicura,
’ncuoll’ ’a mamma che l’abbraccia.
Basta sulo ’st’ emozione,
che a Ibla… puo’ pruva’,
pe’ senti’ ’a devozione
e capi’…..l’eternità,
pecchè ’o Tiempo, che è severo,
llà… se ferma int’ ’o rilorgio
e te segna… sempre zero
’ncopp’ ’e scale… ’e San Giorgio.
© Riproduzione riservata
Invia le tue segnalazioni a info@ragusaoggi.it